2014年11月2日 星期日

SPD4459 [Cafe 休閒篇] Blue Place Cafe, 神秘的Cafe - by Hazel




自從宣佈左西環興建地鐵後, 西環就漸漸興旺起來~
變得越來越多西餐廳, Cafe, 酒吧~


以下介紹既神秘Cafe就喺位於西環堅尼地城卑路乍街.


Cafe門外

沒有錯, 呢度確實喺Blue Place Cafe
也沒有錯, 呢度亦都喺一間專賣戶外運動服飾的店鋪

再仔細望望左下角, 大家有無見到個棟喺度既meun呢?


其實Cafe就喺在服飾鋪裡面啦, 真喺相當神秘, Hazel我都算喺經常經過, 但每次經過都沒有發現裡面有間Cafe, 直至有一日朋友介紹我才發現.





讓我簡單介紹一下Blue Place啦 !

Blue  Place 是一間賣戶外運動用品的品牌,名氣雖不及Nike , Adidas 等等同類似的牌子, 但它在香港經已分設8間分店, 更是第一間在香進駐飲食業的運動品牌店.




~~~~~~~~~~~~~~~~~~~~~~~~~~~~~~~~~~~~~~~~~~~~~~





Blue Place Cafe 一共兩層, 地下主要售賣運動用品.









但走到盡頭有一小空間售賣蛋糕和外賣飲品, 二樓則是餐廳雅座.








行上二樓, 感覺完全不一樣 !










 

二樓分開不同的格局, 每幅牆都有屬於它的設計, 有的是暖爐前的大椅, 有的是滿佈書本的房間, 書卷味濃厚, 更有供多人用餐的長餐桌, 天花上掛有一部Projecter, 相信可以作為開會聯誼聚餐等的地方就最適合不過了.


                      ~~~~~~~~~~~~~~~~~~~~~~~~~~~~~~~~~~~~~~~~~~~~~~


食物:





Red Velvet Cake ($36)

顏色鮮紅艷麗的Red Velvet Cake , 外內皆用黑白朱古力唧成一條條層疊式的網狀紋, 輕巧地把紅絨蛋糕分成三層. 雖然每一層都是一樣. 但每一啖都吃到濃郁甘甜的朱古力味道. 細軟滑溜,甜度剛好. 不過蛋糕質感偏乾身鬆散, 每切一口都總有蛋糕碎散落碟上, 拌碟上的士多啤梨醬酸酸甜甜, 很醒胃! 













Chocolate Raspberry Cake($36)

表層舖滿Oreo曲奇碎的Chocolate Cake, 蛋糕與呈軟心朱古力的Truffle mousses梅花間竹交疊, 質感實淨,但口感幼滑, 中層是黑朱古力mousses, 不太甜, 裡面還隱藏著一點點紅莓籽, 隱約帶來酸甜酸甜的效果. 



Flat  White ($32)

店員小心翼翼地從地下端上來一樓的Flat White , 由淡奶拉出而成的心形葉紋拉花. 泡沫豐厚極致, 呷一口唇邊已是白白一層泡沫, 不過奶的比例較低, 似是Latte 多於Flat  White.














Chamomile Tea ($38)

吃完較油膩的東西, 自然要點一些花茶消一消滯, 始於是點了洋甘菊花茶. 一壺透明色的壺子, 直接裝上了洋甘菊,而是非一包包的茶包形式, 感覺不太美觀, 更重要的是欠缺了一小蠟燭去保暖加熱, 有欠完美. 不過, 茶香清幽, 喝下去總令人舒服.














總括而言, 環境舒服, 食物不錯, 下次大家過來西環, 不妨花少少時間尋找下這間神秘的Blue Place Cafe.. 



Address: 西環卑路乍街93-95號地下 (美心西餅隔離)
Tele: 2817 1977